Қайсарлик қилгани учун кетади!

“Боруссия”нинг истеъдодли ҳужумкор футболчиси Юссуф Мукоко ёзда  жамоасини ўзгартириши кутилмоқда.

17 ёшли ўйинчи клуб билан янги битим тузишдан бош тортгани учун дортмундликлар уни сотиб юборишга қарор қилди. Чунки Мукоконинг амалдаги келишуви келаси мавсум охирида якунланади.

Мукоко Чемпионлар лигасининг энг ёш иштирокичиси ҳисобланади. У қитъанинг энг нуфузли турнирида 16 ёшу 18 кунлигида дебют қилган.

Юссуф жорий мавсумда 23 та учрашувда қатнашиб, иккитадан гол ва ассист қайд этди.