Қайси футболчи Роналдуга энг яхши тандем бўлиши мумкин?

Италиялик машҳур ҳужумчи Лука Тони "Ювентус" форварди Криштиану Роналдуга энг яхши тандем бўла оладиган футболчи кимлигини айтди.

“Бу "Манчестер Сити" футболчиси Габриэл Жезус деб ўйлайман. Криштиану Роналду соф марказий ҳужумчи эмас. Аммо, у энг кўп гол урадиган футболчи. Бразилиялик футболчи унга жуда мос шерик бўлган бўларди. У ҳам жуда кўп гол уради ва бошқалар учун бўш зона юзага келтира олади. У эндигина 22 ёшда”, - дейди Тони.

Габриэл Жезус жорий мавсум “Сити” сафида 39 та ўйинда майдонга тушди ва 18 та гол ҳамда 9 та голли узатма ёздириб қўйишга эришди. Унинг трансфер нархи эса 70 млн еврога баҳоланмоқда.