Қишки трансфер ойнасида "Женоа" ва бошқа клублар қўл урган энг муҳим трансферлар билан танишинг

Одатда, январь ойида катта трансферлар амалга ошмайди. Шундай бўлса-да, айрим клублар таниқли футболчиларни ўз сафига қўшиб олишни бошлаб юборди. «Арсенал»ни анчадан бери қийнаб келаётган Месут Ўзил Туркиянинг «Фенербахче» жамоаси билан шартнома имзолади. 30 ёшли Кевин Стротман эса, «Марсель»дан «Женоа» сафига ижара асосида бориб қўшилди. Хўш, январь ойида яна қандай трансферлар амалга ошди? Бугун шу савол атрофида фикр юритамиз.

 

Йоррит Хендрикс ПСВдан «Спартак» Москвага

гк

Остон Урунов тўп сураётган Москванинг «Спартак» жамоаси голландиялик Хендрикс билан шартнома имзолади. Таянч ярим ҳимоячиси ПСВ клуби сафида 5 йилдан бери асосий фигуралардан бири эди, бироқ ёзда клуб «Тулуза»дан Ибраҳим Цангарани сотиб олди. Айнан Цангара Йорритни асосий таркибдан сиқиб чиқарди. «Қизил-оқлар» голландиялик футболчи учун ПСВга 700 минг евро тўлаб берди. Аслида, "Transfermarkt" нашри ярим ҳимоячини 4 миллион еврога баҳоламоқда, аммо унинг шартномаси 2021 йилда якунига етишини инобатга олган ПСВ камтарин суммага ҳам рози бўлди. Йоррит эндиликда Остон Ўрунов сингари Доминко Тадесконинг ишончини қозонишга ҳаракат қилади.

 

Мусса Дембеле «Лион»дан «Атлетико» Мадридга

ур2

«Атлетико» клуби Диего Коста билан шартномани бекор қилгач, унинг ўрнини тўлдириш мақсадида марказий ҳужумчи излашга тушиб кетди. Вариантлар кўп бўлишига қарамай, негадир «матрасчилар» бу мавсумда ўйини чиқмаётган Мусса Дембелени танлади. 24 ёшли футболчи асосий таркибдаги ўрнини йўқотиб қўйди. Энди эса, у ажойиб темпда тўп сураётган Луис Суарес билан рақобатга киришиши лозим. Осон бўлмаслиги аниқ, бироқ бу рақобатдан «Атлетико» фойда кўриши турган гап.

 

Мадридликлар Муссани мавсум сўнггига қадар 1,5 миллион евро эвазига ижарага олди. Шунингдек, клубда ҳужумчининг тўлиқ шартномасини 33,5 миллион евро эвазига сотиб олиш ҳуқуқи ҳам мавжуд. «Лион» эса, Дембеленинг кейинги трансферидан келиб тушадиган пулнинг 10 фоизига шерик бўлишга муваффақ бўлди.

 

Ислам Слимани «Лестер»дан «Лион»га

гк2

«Лион» Дембелени Мадридга қўйиб юборгач, унинг ўрнини ортиқча қийинчиликсиз тўлдирди. Эътиборлиси шундаки, клуб бу трансфер учун бир евро ҳам сарфламади. Англиянинг «Лестер» жамоасида ўз шартномасини тўлиқ ўтаб бўлган жазоирлик ҳужумчи Ислам Слимани эндиликда «Лион» билан Лига-1да ғалаба қозониш учун кураш олиб боради.

 

32 ёшли форвард Англияда ўзини кўрсата олмагач, 4 мавсум давомида турли клубларда ижара асосида тўп сурди. Слимани ўзининг сўнгги клуби «Монако» сафида жуда ишончли мавсум ўтказди. 18 та ўйинда 9 та гол ва 8 та ассист. Ҳужумчи Франция майдонларида ўзини яхши ҳис этгани учун ҳам айнан «Лион»нинг таклифини қабул қилди. Ваҳоланки, у билан бир неча араб клублари шартнома имзоламоқчи эди.

Такефусо Кубо «Реал» Мадриддан «Хетафе»га

қвлфқв

Япониялик иқтидор эгасининг «Вильярреал»даги саргузаштлари ўз якунига етди. Гап шундаки, «сариқ сувости кемаси» ҳужумчи учун етарлича ўйин амалиёти тақдим этмади. Фақатгина, Европа Лигасида Кубо кўпроқ тўп суришга муваффақ бўлди. Оқибатда, январь ойида Такефусо «Реал» таркибига келиб қўшилди. Орадан бир кун ўтиб, Мадрид клуби уни Испаниянинг бошқа бир клуби «Хетафе»га ижара асосида жўнатиб юборди.

Эндиликда, «Реал»нинг келажакдаги юлдузи бўлиши тахмин қилинаётган ўспирин Мадриддан узоқ бўлмаган шаҳар клуби шарафини ҳимоя қилади. Келишув мавсум сўнгига қадар этиб белгиланди. «Реал» ўз футболчисини кўпроқ ўйин амалиётга эга бўлиши учун шундай қарорга келди. Ваҳоланки, «Вильярреал» япониялик футболчини мавсум сўнгига қадар олиб қолмоқчи эди. Эндиликда, ҳужумчи «Хетафе»га элитада жон сақлаб қолишда кўмак бериши ва тажриба тўплаши лозим. Ундан «қироллик клуби»нинг орзу-умидлари катта.

Тимоти Фосу-Менса «Манчестер Юнайтед»дан «Байер»га

фқвфқвфқ

Англиянинг «Манчестер Юнайтед» жамоаси аъзоси Фосу-Менса фаолиятини Бундеслигада давом эттирадиган бўлди. У эндиликда «Байер» клуби сафида Сантьяго Ариаснинг йўқлигини билдирмаслиги лозим. Ўнг қанот ҳимоячиси саналган Ариас терма жамоа сафида жуда оғир жароҳат олди ва узоқ муддатга сафдан чиқди. Аслида, «аспиринлар» Ариасни яқиндагина «Атлетико»дан ижара асосида ўз сафига қўшиб олган эди. Унинг йўқлигини билдирмаслик учун Леверкузен клуби мавсум ўртасида Менсанинг трансфери учун 1,8 миллион евро сарфлади.

23 ёшли футболчи «Байер» билан 2024 йилга қадар шартнома имзолади. Голландиянинг «Аякс» жамоаси тарбияланувчиси саналган ҳимоячи 2016 йилда МЮ таркибида ўзининг дебют учрашувини ўтказган эди. Жорий мавсумда Сульшер голландга атиги биттагина учрашувда иштирок этиш имконини тақдим этди, холос. Айнан шу омил Менсани ўзи учун бошқа клубдан қўним топишга мажбур қилди.

Лука Йович «Реал» Мадриддан «Айнтрахт»га

дқфафқақа

"Қироллик клуби" Карим Бенземанинг ўрнини эгаллай олмаган Лука Йовични ижара асосида «келган жойига қайтариб юборди». Сербиялик ҳужумчи Мадридда захира ўтиришдан кўра, ўз клубида ўйин амалиётга эга бўлишни афзал кўрди.

Қайсидир маънода, бу трансфердан барча томон ютди. «Реал» Лукани кераксиз футболчига айланиб қолишидан ва трансфер суммаси тушиб кетишидан қутулиб қолган бўлса, «Айнтрахт» мавсумнинг ҳал қилувчи қисмида ўйинга чанқоқ ҳужумчини қўлга киритди.

Сербиялик футболчи эса, ўз кучига бўлган ишончни қайтариб олишга муваффақ бўлди. Тан олиш лозим, бу трансфер «Реал»нинг нақадар ақл билан сиёсат юритаётганидан далолат беради.

Месут Ўзил «Арсенал»дан «Фенербаҳче»га

укшаука

Лондон клуби ва ниҳоят, туркиялик футболчидан «қутулди» десак, адашмаган бўламиз. Ўйин қайдномасига кирмаса ҳам энг катта маош олаётган футболчи энди «Фенербахче» сафида ўз омадини синаб кўрадиган бўлди.

Ярим ҳимоячи Туркия клубига ўтиш мақсадида, «Арсенал» билан ўртадаги шартномани бекор қилди. «Фенербахче» жамоаси ЖЧ ғолибига 100 фоизлик ўйин амалиёти ваъда қилмоқда. Агар Месут кутилганидек ўзини эркин ҳис этса, тез орада унинг ижросидаги супер узатмаларга гувоҳ бўлишимиз мумкин.

Футболчи аллақачон ўз орзусидаги клуб билан шартнома имзолаганини маълум қилди. Бошланиши ёмон эмас. Агар ҳаммаси шу темпда кетса, Месут ўзининг сўнгги мавсумларини кўтаринки кайфиятда ўтказиши мумкин. Бу трансфер 100 фоиз унинг фойдасига ишлаши аниқ.

Фикрлар

Фикр қолдириш учун авторизациядан ўтинг!