"Қизилқум" Арманистон етакчиси билан дуранг ўйнади

Туркияда ўқув-машғулот йиғинини давом эттираётган Навоийнинг “Қизилқум” жамоаси кутилганидек назорат учрашувларини ўтказишга жиддий эътибор қаратмоқда. Чунки бундай беллашувлар орқали ўйин сифатини яхшилашга алоҳида аҳамият қаратишмоқда.

Клуб матбуот хизматининг хабарига кўра навбатдаги учрашув Арманистоннинг “Ширак” клубига қарши ўтказилди. Кескин курашлар остида кечган баҳсда эса ғолиб номи аниқланмади. “Қизилқум” легионери Руслан Маргиев томонидан киритилган голга рақиб аъзолари учрашув охирларида жавоб қайтаришди. Шу тариқа, “Қизилқум” – “Ширак” ўртасидаги баҳсда 1:1 ҳисоби қайд этилди. Шунингдек, жамоа таркибида яна янги ўйинчилар қўшилиши ҳам кутилмоқда.

“Қизилқум” таркиби: Руслан Матниёзов, Абди Башимов, Салим Мустафоев, Муҳсин Убайдуллаев, Олег Толмасов, Арслан Илёсов, Руслан Маргиев, Алишер Саноев, Шерали Жўраев, Суннат Абдуллажонов, Достон Ибрагимов.

Захирадагилар: Артём Макосин, Сардор Жаҳонов, Нодир Камолов, Ҳумоюн Абдуалимов, Хуршид Олимов, Воҳид Шодиев, Азиз Усмонов, Файзулла Қамбаров, Миржалол Қосимов.