"Қизилқум" стадионига чим ётқизиляпти

Хабарингиз бор, “Қизилқум” жамоаси уй стадиони бўлмиш “Ёшлар” спорт мажмуасида қурилиш ва та’мирлаш ишлари давом этмоқда. Кеча стадион мутахасисслари ўйингоҳда чим ётқизиш ишларини бошлади. Бу борада клуб матбуот хизмати хабар бермоқда.

Жамоа бу йил уй ўйинларини Қаршидаги "Марказий" стадионда ўтказганини яхши биласиз. Албатта, ушбу ҳолат жамоага ноқулайликлар туғдирди. Чунки ҳар қандай жамоага барибир ўз уйида ўйнаши бошқача. Шу боис янги мавсумда "Қизилқум" мутасаддилари жамоани ўз уйига қайтариш учун астойдил ҳаракат қилмоқдалар ва бунинг учун амалий ишлар олиб борилмоқда.