"Қизилқум" Темур Тўхтасиновнинг устидан ПФЛга арз қилди

"Биринчи бўлимда ўйинимиз унчалик қовушмади. Аммо иккинчи бўлимда рақиб дарвозаси олдида кўплаб ҳужумлар уюштиришга эришдик. Бироқ, ҳакамларнинг бўлар бўлмасга хуштак чалиб, ўйинни тўхтатиб қўйиши кўпчиликни ғазаблантирди.

Қолаверса, меҳмонлар жарима майдончаси ичида икки бор футболчиларимизга нисбатан қўполлик ишлатилсада, бош ҳакам буни эътиборсиз қолдирди. Бу футболчиларимизга ҳам руҳий таъсир ўтказмай қолмади. Учрашувдан кейин ўйин назоратчиси ва комиссар билан ўша вазиятларни кўриб чиқдик. Улар ҳам ҳакамнинг қўпол хатоларини кўришди. Биз расман ПФЛга шикоят билан мурожаат қилдик. Албатта, бизнинг ҳам хатомиз бўлди. Шу сабаб мағлуб бўлдик", - деб Актамовнинг сўзларини келтириб ўтди "Қизилқум" матбуот хизмати.