"Қизилқум" устози ғалабадан кейин: "Йигитларимни ҳаракатидан тўлиқ қониқдим, дея олмайман"

"Қизилқум" бош мураббийи Никола Лазаревич кеча Қирғизистоннинг "Дордой" жамоасига қарши кечган учрашувдан сўнг клуб матбуот хизматига ўз фикрларини билдириб ўтди.

"Рақибимиздан шу услубдаги ўйинни кутгандик. “Дордой” яхши шаклланган жамоа. Улар каби биз ҳам баҳсга яхши ҳозирлик кўргандик. Фақатгина кучли шамол омили ўйиннинг боришига бироз халақит қилди. Биринчи бўлимда рақиб футболчилари тўп назоратини ўзларида сақлаб туришга ҳаракат қилишди. Ўзимизнинг хатодан сўнг гол ҳам уришди.

Иккинчи бўлимда эса ўйин суръати ўзгарди. Ташаббус биз томонга ўтди. Ҳужумда ранг-баранглик кучайди. Натижада гол урдик ва ғалабани ўзимиз томонга оғдира олдик. Қайтараман, рақиб ўз ўйин услубига эга кучли жамоа эди. Йигитларимни ҳаракатидан тўлиқ қониқдим, дея олмайман. Айрим жиҳатлар бўйича ҳали қилинадиган ишларимиз бор. Учрашувни тўлиқ таҳлил қилиб, хатолар устида ишлашда давом этамиз".