"Қўқон-1912" - "Бунёдкор" учрашувида ғолиб номи аниқланмади

Ўзбекистон Суперлигаси 4-туридан ўрин олган "Қўқон-1912" - "Бунёдкор" учрашуви ўз якунига етди. Унда 0:0 ҳисоби қайд этилди.

Ўйин давомида майдон эгалари кичик устунлик намойиш этди. Бироқ ҳар икки томоннинг уринишларига қарамай, ҳисоб очилмади.

Шу тариқа, 1 очкодан бўлишиб олган томонларнинг онлайн турнир жадвалидаги ўрни ўзгаришсиз қолди. Ҳамон "қалдирғочлар" 3-ўринни эгаллаб турган бўлса, қўқонликлар 4-поғонани банд этган.

• 90+6'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+5'

  Жарима майдони ичида футболчилар ўзаро тортишиб кетди. Ҳакам асабларни жиловлаб олишга чақирмоқда.

• 90+4'
  

  Холмуҳаммедовнинг бурчакдан етказиб берган тўпини ҳимоячилар узоқлаштирди.

• 90+2'

  Сўнгги дақиқаларни мезбонлар катта устунлик билан ўтказмоқда.

• 90'
  

  Ўйиннинг асосий вақтига 6 дақиқа қўшиб берилди

• 89'

  Холмуҳаммедовнинг узоқ масофадан йўллаган зарбаси хавфли чиқди. Бироқ тўп бироз ноаниқ кетди.

• 87'

  Мақсудов шогирдлари шошилмаяпти. Улар учун меҳмондаги 1 очко ёмон эмас.

• 85'

  Анвар Хожимирзаевнинг зарбасидан кейин тўп устун ёнгинасидан ўтиб кетди.

• 83'
  

  Шоҳназар Норбеков ўрнига Анваржон Ҳожимирзаев, Миржаҳон Мираҳмадов ўрнига Шаҳбоз Эркинов майдонга тушди.

• 82'

  Шифокорлар ҳамон дарвозабонга тиббий ёрдам кўрсатишда даовм этмоқда. Ўйин тўхтаб турибди.

• 80'
  

  Равшан Ягудинга тиббий ёрдам кўрсатилмоқда.

• 78'

  Муҳаммаданас Ҳасанов жарима майдонига ёриб кирди. Бироқ сўнгги сонияларда ҳимоячилар уни тўхтатишга эришди.

• 75'

  Лутфулло Тўраев ҳужумда қоида бузди. Ҳакам ўйинни тўхтатди.

• 73'

  Узоқ масофадан берилган зарбадан кейин тўпни Ягудин ушлаб олди.

• 71'
  

  "Қўқон-1912" таркибида Якуба Бамба ўрнига Иқбол Маликжонов майдонга тушди.

• 70'

  Мурод Холмуҳаммедовнинг ўткир бурчакдан йўллаган зарбаси бироз ноаниқ кетди.

• 70'
  

  Расул Йўлдошев ўз ўрнини Фаррух Икромовга бўшатиб берди.

• 68'

  Бамба жарима майдони ичидан "қайчи" услубида зарба берди. Тўп ҳимоячидан ўтмади.

• 67'

  Нурилло Тўхтасиновнинг узоқ масофадан йўллаган зарбасига аниқлик етишмади.

• 65'
  

  Қўқонликлар бурчак зарбасидан наф чиқара олмади.

• 63'
  

  Славко Лукич огоҳлантирилди.

• 62'
  

  Хуршид Ғиёсовга тиббий ёрдам кўрсатилмоқда. У Лукич билан тўқнашиб кетди.

• 60'

  Ашурматов шогирдлари ўз ярим майдонида тўпни эгаллаб турибди.

• 57'
  

  Сухроб Иззатовга сариқ карточка кўрсатилди.

• 55'

  Расул Йўлдошевнинг ноаниқ узатмаси жамоаси ҳужуми эрта якунланишига сабаб бўлди.

• 53'

  Ўйин паст темпда давом этмоқда. Томонлар ҳадеганда олдинга ўтавермаяпти.

• 51'

  "Қалдирғочлар" марказда тўпни назорат қилмоқда.

• 49'

  Холмуҳаммедовнинг кучли зарбасидан кейин тўп жонли деворда турган футболчидан ўтмади.

• 48'

  Даврон Эргашев жарима майдонига яқин ҳудудда қоида бузди. Қўқонликларда стандарт вазият юзага келди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз.

• 45+2'
  

  Танаффус!

• 45+1'

  Жамоасининг хавфли тус олаётган ҳужумини Лутфулло Тўраев ноаниқ узатмаси билан барбод қилди.

• 45'
  

  Биринчи таймга 1 дақиқа қўшиб берилди.

• 44'

  "Қўқон-1912"да ўта қулай имконият юзага келди. Холмуҳаммедовнинг узатмасидан кейин Собиржонов яқин масофадан зарба бера олмади.

• 42'

  Кичик фоллар бироз кўпайиб кетди. Ўйин темпи шу сабабли тушиб кетмоқда

• 40'

  Славко Лукич ҳужумда Ғиёсовга нисбатан қоида бузди. Ҳакам ўйинни тўхтатди.

• 38'

  Холмуҳаммедовнинг уриниши бесамар якунланди.

• 37'

  Жамоалар тироз эҳтиёткор ўйин намойиш этмоқда.

• 35'

  Жарима майдонига ёриб кирган Мираҳматовнинг кучли зарбасидан кейин тўп тўсин юқорисидан ўтиб кетди.

• 33'

  Шохазар Норбековнинг ақлли узатмасини "Бунёдкор" ҳимоячилари пайқаб қолди ва тўпни олиб қўйди.

• 31'

  Ҳасановнинг жарима майдони ичидан бош билан йўллаган зарбаси ноаниқ кетди.

• 28'

  Нурилло Тўхтасиновнинг зарбасига бироз аниқлик етишмади.

• 26'
  

  Собиржоновга сариқ карточка кўрсатилди

• 24'

  Асад Собиржоновнинг жарима майдони ташқарисидан йўллаган зарбасига аниқлик етишмади.

• 22'

  Тўп назорати қўқонликлар томонга ўтди.

• 20'

  Собиржоновга нисбатан қоида бузган Иззатов огоҳлантирилиши мумкин эди. Бироқ ҳакам оғзаки огоҳлантириш билан чекланди.

• 18'

  Жарима майдони ичида тўпга мослаша олмаган Норбеков зарба беришда адашди.

• 17'

  Мақсудов шогирдлари яхши прессинг уюштирмоқда. Бу рақибни хато қилишга мажбур қиляпти.

• 15'
  

  Холмуҳаммедовнинг фаол ҳаракатлари эвазига қўқонликлар бурчак тўпига эга бўлди.

• 13'

  Мираҳмадовнинг бош билан йўллаган зарбасини дарвозабон ушлаб олди

• 11'

  Ҳасановнинг қанотдан жарима майдонига узатган тўпини Ягудин ушлаб олди.

• 9'

  Нурилло Тўхтасиновнинг зарбасидан кейин тўпни ҳимоячилар қайтарди.

• 8'

  "Қалдирғочлар" секин-асталик билан ўйин тизгинини қўлга олишга ҳаракат қиляпти.

• 6'

  Илк хавфли ҳужум мезбонларда юзага келди. Жарима майдонига етказиб берилган тўпга Мерзляков ноани зарба йўллади.

• 5'
  

  Рақиби билан тўқнашиб кетган Сухроб Иззатовга тиббий ёрдам кўрсатилмоқда

• 3'

  Ҳар икки томон вакиллари назоратни қўлга олишга ҳаракат қилмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!