"Қўқон-1912" "Арал"ни мағлуб этди

Бугун "Қўқон-1912" жамоаси Тошкентдаги йиғин доирасидаги сўнгги учрашувида майдонга тушди. Бу ҳақида клуб матбуот хизмати хабар берди.

Қўқонликлар про лига вакили "Арал"га қарши баҳс олиб борди. Ушбу учрашувда Баҳром Ҳайдаров ихтиёридаги барча футболчилардан фойдланди. Баҳс 2:0 ҳисобидаги "Қўқон-1912"нинг ғалабаси билан якунланди.

Шу тариқа, "Қўқон-1912" жамоасининг Тошкентдаги йиғини якунланди. Жамоа бир неча кунлик таътильдан сўнг Суперлиганинг 16-турига тайёргарликни давом эттирашади.

"Қўқон-1912" жамоаси иккинчи давранинг илк турида "Андижон" меҳмони бўлади. Учрашув 3 август куни соат 19:00 да старт олади.