"Қўқон-1912" "Водий дербиси"га жиддий тайёрланмоқда, жароҳатидан тузалган икки нафар футболчи машғулотларга қайтди

“Қўқон-1912” жамоаси Суперлиганинг навбатдаги турида  Андижон шаҳрида, “Андижон” жамоасининг меҳмони бўлади.

Қўқонликлар доимо муросасиз курашларга бой ўтадиган “водий дерби”сига тайёргарликни аллақачон бошлаб юборган. Бахтиёр Ашурматов бошчилигидаги мураббийлар штаби навбатдаги тур учрашувларига футболчиларни ҳар томонлама пухта тайёрлаш учун бор билимларини ишга солмоқда.

“Шунқорлар” Қўқондаги “Марказий” стадионида ўз машғулотларини ўтказишяпти. Қувонарлиси, машғулотларга жароҳатидан тузалиб бораётган Суҳроб Бердиев ҳамда Бобур Акбаров сафга қўшилган. Ҳар икки футболчи ҳозирча алоҳида машғулотларда иштирок этишмоқда.

Бундан ташқари, машғулотларга ўринбосарлар таркибидан ҳам бир нечта футболчилар жалб қилинган.

"Андижон" ҳамда "Қўқон-1912" жамоалари ўртасидаги дерби 5 май куни Андижондаги "Бобур Арена" стадионида бўлиб ўтади.

“Қўқон-1912” матбуот хизмати.