Қозоғистон терма жамоаси мураббийи ариза ёзиб, истеъфога чиқмоқчи

Қозоғистон терма жамоаси бош мураббийи Али Алиев Белгиядаги 0:6 ҳисобидаги мағлубиятдан сўнг истеъфога чиқмоқчи.

Қозоғистон сафарда ЖЧ-2026 саралашида Белгиядан йирик мағлубиятга учради. Жамоа кетма-кет 4 та мағлубиятни бошдан кечирди, умумий ҳисоб 1:12.

- Қисқача айтмоқчиман. Содир бўлган барча воқеалар, бу мағлубият учун масъулиятни ўз зиммамга оламан. Бу менинг айбим. Бу ерда футболчиларнинг ҳеч бири айбдор эмас. Ҳаммасини ўз бўйнимга оламан.

Ариза ёзиб, истеъфога чиқаман. Келишим биланоқ президент ва Қозоғистон футбол федерацияси раҳбариятига дарҳол хабар бераман, - деди Алиев.

Эслатиб ўтамиз, Қозоғистонликлар 5 ўйиндан сўнг 3 очко тўплаб, ЖЧ саралашида J гуруҳида 4-ўринни эгаллаб турибди.