Қудратилло Абдуқаҳҳоров ўзининг навбатдаги жангини ўтказди

Россия Федерациясининг Кировск вилояти Киров шаҳрида бокс бўйича "IBA Чемпионлар оқшоми" мусобақаси бўлиб ўтди.

Турнирнинг асосий жангида ўзбекистонлик профессионал боксчи Қудратилло Абдуқаҳҳоров рингга чиқди. Унга мезбонлар вакили Павел Сосулин рақиблик қилди.
8 раунд этиб белгиланган тўқнашув тўлиқ давом этди ва унда афсуски, очколар ҳисобига кўра Сосулиннинг қўли баланд келди. 

Шу тариқа, 30 ёшли Абдуқаҳҳоров бугун ўзининг тўртинчи мағлубиятини қабул қилиб олди. Мағлубиятсиз одимлаётган Павел Сосулин эса бугун ўзининг тўққизинчи ғалабасини нишонлади.