Қудратилло Абдуқаҳҳоровнинг навбатдаги жанг санаси маълум бўлди
Абдуқаҳҳоров IBF йўналишида мажбурий даъвогар ҳисобланади.
Професcионал бокснинг ярим ўрта вазн тоифасида ( 66.6 кг) фаолиятини олиб бораётган Қудратилло Абдуқаҳҳоров (17-0, 9 КО) ўзининг навбатдаги жангини 6 март куни ўтказиши кутилмоқда. Бу ҳақда боксчининг ўзи Sports.uz сайтига маълум қилди. Ҳозирча жанг кечаси қаерда бўлиши ва рақиб борасида маълумотлар йўқ.
Абдуқаҳҳоров яқинда "Top Rank" компанияси билан шартномани бекор қилиб, Сампсон Левковичга тегишли бўлган "Sampson Boxing" промоутерлик компанияси билан янги келишувга эришган эди.
Эслатиб ўтамиз, Қудратилло Абдуқаҳҳоров ҳозирда WBC йўналишида 8, WBОда 13 ва IBF рейтингида 1- ўринни эгаллаган ҳолда, Эррол Спенснинг IBF жаҳон чемпионлик камари учун мажбурий даъвогар ҳисобланади.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар