Қувондиқ Рўзиев "Бухоро" аъзосига айланди

Қувондиқ Рўзиев "Навбаҳор"ни тарк этиб, "Бухоро" клуби сафига бориб қўшилди. 

"Жамоамиз сафини 31 ёшли тажрибали ярим ҳимоячи Қувондиқ Рўзиев тарк этди. “Лочинлар” таркибига 4 йиллик танаффусдан сўнг, бу йил яна қўшилган тажрибали футболчи жорий мавсумда жамоамиз таркибида Суперлига доирасидаги 13 та учрашувда майдонга тушиб, 614 дақиқа ҳаракат қилган.
Биз жамоамиз сафида ўтказган ўйинлари учун Қувондиқ Рўзиевга миннатдорчилик билдириб, унинг келгуси фаолиятида омад ва зафарлар тилаб қоламиз", - ёзди "лочинлар" матбуоти.