Рафаэл Леау қаерда фаолиятини давом эттиришни ҳал қилди

Футболчи жамоасини алмаштиришга тайёрланмоқда

«Милан» ҳужумчиси Рафаэл Леау ёзги трансфер ойнасида жамоани тарк этиш нияти борлигини маълум қилган эди.

Португалиялик вингерга Англия премьер-лигасининг икки етакчи клуби жиддий қизиқиш билдирмоқда. Инсайдер Николо Скира хабар беришича, «Арсенал» ва «Манчестер Юнайтед» унинг эҳтимолий трансфери бўйича маълумот сўраган.

Шу билан бирга, ҳозирча «Милан» раҳбарияти ёки футболчининг ўзига расмий таклифлар келиб тушмагани айтилмоқда. Леаунинг ўзи эса фаолиятини айнан Англия премьер-лигасида давом эттиришни исташи таъкидланмоқда.

Рафаэл Леаунинг амалдаги шартномаси 2028 йилгача мўлжалланган. Унинг шартномасида кўрсатилган тўлов миқдори 175 миллион евро этиб белгиланган.