Рафинья 290 кунлик танаффусдан сўнг илк бор майдонга тушди

“Барселона” клуби ярим ҳимоячиси Рафинья Алькантара кеча “Эспаньол”га (1:0) қарши Испания кубогининг 1/4 финал дастлабки баҳсида майдонга тушди. У учрашувнинг 78-дақиқасида Денис Суаресни алмаштирди.

Эътиборлиси, 24 ёшли бразилиялик футболчи 290 кун давом этган танаффусдан сўнг яна майдонга қайтди. Эслатиб ўтиш лозимки, Рафинья сўнгги бор 2017 йилнинг 2 апрелида жароҳат олган ва шундан сўнг 10 ой майдонга туша олмади.

Таъкидлаш лозимки, бундан аввалроқ ушбу футболчини Миланнинг “Интер” клуби мавсум сўнггига қадар ижарага олишни режалаштираётгани ҳақида хабарлар тарқалган эди.