Рафинья: Тўққизтадан тўққизта!

«Барселона» ҳужумчиси Рафинья Диас янги мавсумдаги Ла Лигада жамоасининг илк голини урди. Бразилиялик футболчи 14-дақиқада пенальтини аниқ амалга ошириб, «Эльче» дарвозасини ишғол этди.

Opta маълумотларига кўра, 29 ёшли Рафинья 2022 йилда «Барселона»га келганидан бери жамоа сафида пенальтидан ҳали бирор марта адашмаган. У каталонияликлар таркибида барча тўққизта пенальтини голга айлантирган.

Футболчининг пенальтидан охирги марта ноаниқ зарба берганига қарийб етти йил бўлди. Унинг «нуқта»дан сўнгги марта йўл қўйган хатоси 2017 йил декабрида, Португалия чемпионати доирасида «Витория Гимарайнш» сафида майдонга тушган учрашувда қайд этилган.

«Эльче» – «Барселона» учрашувининг иккинчи бўлимида бразилиялик футболчи дубль қайд этди. Умумий ҳисобда эса, чемпион жамоа мезбонлар дарвозасига жавобсиз бешта тўп киритди.