Рафиньяни Бразилия эмас, Италия терма жамоасида кўришимиз мумкин эди, бироқ...

Рафинья "Евро-2020" мусобақасида Италия терма жамоаси таркибида ўйнаш имкониятига эга бўлганини айтди.

- Мен Италия терма жамоасига қўшилишга жуда яқин эдим. 2020 йилда ўтказилиши мўлжалланган Европа чемпионатига боришим керак эди. Деярли тайёр эдим. Яхшиямки, паспорт ўз вақтида келмади.

Менга Италия терма жамоасидан қўнғироқ қилишарди. Жоржиньо тез-тез алоқага чиқиб турарди. Италиялик мураббийлар мен учун ажойиб лойиҳа тайёрлашган эди, бу мени жуда таъсирлантирганди.

Аммо шу билан бирга қалбимнинг туб-тубида ҳамон Бразилия терма жамоаси либосини кийишга умид қилардим. Ва, бахтимга, Италия паспортини ўз вақтида ололмадим, - деди "Барселона" ҳужумчиси "Isa Visita" подкастида.

"Sky Sport" нашрининг хабар беришича, Рафинья отасида Италия фуқаролиги борилиги туфайли Италия терма жамоасида ўйнаш ҳуқуқига эга бўлган.