Раҳим, сенинг маошинг оғирлик қиляпти!

“Челси”да кераксиз ўйинчига айланган Раҳим Стерлинг жорий мавсумнинг ярмини ўйин амалиётисиз ўтказиб юборди. Тажрибали ҳужумкор футболчи январь ойида ўзига янги иш жойи топиши лозим.

Стерлинг бир неча клублар билан музокара олиб бормоқда. Унинг ўзи “Вест Хэм”дан бўлган таклифни қабул қилмади.

Даъвогарлар орасида “Ньюкасл” ҳам бор эди. Бироқ “қарғалар” машҳур юлдуз вариантидан воз кечди.

Football Insider нашрининг хабар беришича, “Ньюкасл” 31 ёшли футболчининг маоши катта бўлганини инобатга олиб, уни ўз сафига қўшиб олмайдиган бўлди.

Transfermarkt портали томонидан 5 миллион еврога баҳоланаётган Раҳим Стерлинг “Фулхэм” ва “Кристал Пэлас” билан ҳам музокара ўтказаётгани ҳақида маълумотлар тарқатилмоқда.