"Челси" футболчиси Лондоннинг бошқа клубига кўчиб ўтиши мумкин

Лондоннинг "Челси" клуби вингери Раҳим Стерлинг фаолиятини Лондоннинг бошқа клубида давом эттириши мумкин.

Хабарларга кўра, англиялик футболчи Англия Премьер-лигасида қолишни истамоқда. Футболчининг хизматларига "Вест Хэм" ва "Кристал Пэлас" клублари қизиқиш билдирмоқда. Катта эҳтимол билан ёзда футболчи "аристократлар"ни тарк этади. Стерлингнинг "Челси" билан амалдаги шартномаси келаси йилнинг ёзида якунига етади. Унинг "кўклар"даги маоши ҳафтасига 350 минг фунт стерлингни ташкил қилади. Англия терма жамоаси собиқ футболчиси 2022 йилда "Манчестер Сити"дан 56 миллион евро эвазига "Челси" сафига келиб қўшилган эди. Айни вақтда Стерлинг асосий жамоа билан машғулотларда ҳам иштирок этгани йўқ.

Маълумот учун, 31 ёшли футболчи жорий мавсумда бирорта ҳам ўйинда майдонга тушгани йўқ.