Ramos "Real"dan bonus olmoqchi

"Real" himoyachisi Serxio Ramosning madridliklar tarkibidagi kelajagi so‘roq ostida qolmoqda. Ispaniyalik futbolchining klub bilan amaldagi shartnomasi yozda yakuniga etadi va u yanvar oyidan boshlab, istalgan jamoa bilan muzokaralarga kirishishi mumkin.

Qayd etilishicha, Ramos "qaymoqranglilar" bilan 2023 yilgacha shartnoma imzolashga tayyor, biroq faxriy futbolchi har bir mavsumda 30 tadan ortiq rasmiy o‘yinda maydonga tushgani uchun qo‘shimcha 2 million evro bonus olishni xohlamoqda.

Ayni damda Ramos "Real"da yiliga 12 million evro ishlab topadi. Joriy mavsumda himoyachi Ispaniya chempionatida madridliklar safida 13 ta o‘yinda maydonga tushib, 2 ta gol kiritdi.