Рамоснинг кетиш вақти келдими?

Серхио Рамос Мадриддан кетиш вариантини кўриб чиқмоқда. Унинг “Қироллик клуби” билан шартномаси мавсум охирида якунланади.

“Реал” раҳбарияти одатда ёши 30 дан ошган ўйинчиларга узоғи бир йиллик битим таклиф қилади. Рамоснинг жамоадаги мавқеини инобатга олган раҳбарлар уни яна икки йил олиб қолиш бўйича таклиф устидан ишлаяпти.

Бироқ, Серхио Рамосни ўзига чорлаётган ПСЖ, шунингдек, Италия ва Англиянинг бақувват жамоалари 34 ёшли футболчига ўта манфаатли таклиф билан чиқмоқда. 

Айни пайтда музокаралар давом этмоқда ва “Реал” хўжайинлари футболчини кетиш фикридан қайтаришга ҳаракат қиляпти.