Raneri: "Dibala keyingi uchrashuvda maydonga tushsa kerak!"

"Roma" klubi bosh murabbiyi Klaudio Raneri Paulo Dibalaning holati haqida gapirdi. Argentinalik futbolchi Evropa ligasining pley-off bosqichi doirasidagi "Portu"ga qarshi bellashuvning 40-daqiqasida og‘riq sabab almashtirilgan edi.

"Dibala hozirda yaxshi, u keyingi o‘yinda o‘ynasa kerak. Bugungi uchrashuvda uni maydonga tushirib, tavakkal qilishni istamadim. Pauloning tizzasiga zarba berildi, ammo hech qanday jiddiy jarohat yo‘q", - deya italiyalik mutaxassisning so‘zlarini keltirmoqda "Tuttomercatoweb".

Eslatib o‘tamiz, 31 yoshli yulduz joriy mavsum Italiya chempionatida 21ta o‘yinda maydonga tushib, oltita gol urdi (uchtasi penaltidan) va ikkita golli uzatmani amalga oshirdi.