Расман! 34 ёшли Кавани янги мавсумни ҳам МЮда ўтказадиган бўлди

"Манчестер Юнайтед" ўзининг расмий сайти орқали уругвайлик ҳужумчи Эдинсон Кавани билан амалдаги шартнома узайтирилганини маълум қилди.

Хабарда айтилишича, 34 ёшли футболчи МЮда 2022 йилнинг ёзигача қолади.

Кавани жорий мавсум АПЛда 23 та ўйин ўтказди. У ушбу учрашувларда рақиблари дарвозасига 9 та гол ҳамда 2 та голли узатма ёздириб қўйди.

Эдинсон Кавани “Манчестер Юнайтед”га 2020 йилнинг ёзида ПСЖдан эркин агент сифатида кўчиб ўтган. У фаолияти давомида шунингдек, “Наполи” сафида ҳам бир неча мавсум тўп сурган.