Расман! Алешандре Пато “Сан-Паулу”дан кетди

“Милан” клуби ва Бразилия терма жамоаси собиқ ҳужумчиси Алешандре Пато “Сан-Паулу”ни тарк этганини маълум қилди.

“Фаолиятимдаги яна бир муҳим босқич бугун якунланди. “Сан-Паулу”га ушбу 17 ой биргаликдаги иш давомида қўллаб-қувватлагани, ишонгани ва профессионаллиги учун миннатдорлик билдирмоқчиман. Жамоа мухлислари ва футболчиларидан ҳам миннатдорман.

Яна бир бор “Сан-Паулу” либосини кийиш шарафига муяссар бўлганимдан фахрланаман”, - деб ёзади Пато твиттердаги саҳифасида.

Пато бунгача 2014-2015 йилларда ҳам “Сан-Паулу”да тўп сурган.