Расман! "Андижон" Россия чемпиони билан шартнома тузди

Ёзги селекцияда “Андижон” дастлабки трансферни амалга оширди. Ўзбек футболи ихлосмандлари яхши биладиган, тажрибали футболчи Вагиз Галиулин жамоага қайтди.

Вагиз “Андижон” футбол мактаби тарбияланувчиси ҳисобланади. Фаолиятининг асосий қисмини Россия премьер-лигаси ҳамда биринчи дивизионида ўтказган. Қанот ярим ҳимоячиси охирги тўрт йилни “Нефтехимик” клубида ўтказди ва у ерда жамоа сардори сифатида тўп сурди.

“Андижон” ҳамда Галиулин ўртасида 1,5 йилга мўлжалланган шартнома имзоланди.

Маълумот учун:

Вагиз Галиулин

Туғилган йили: 10.10.1987

Амплуаси: қанот ярим ҳимоячиси

Тўп сурган жамоалари: “Андижон”, “Бухоро”, “Рубин”, “Сибирь”, “Уфа”, “Тосно”, “Тамбов” ва “Нефтехимик”.

Эришган ютуқлари: Россия чемпиони – 2008 (“Рубин”).

Россия Суперкубоги – 2009-10 (“Рубин”).

Россия Кубоги – 2018 (“Тосно”).

Шунингдек, Ўзбекистон миллий терма жамоаси шарафини ҳам ҳимоя қилган. Охирги ўйинини 2021 йилда ўтказган.

"Андижон" матбуот хизмати.