Rasman! "Barsa" xarid qilgan eng qimmat futbolchisini APL klubiga sotdi (video)

"Barselona" o‘z yarim himoyachisi Filippe Koutinoni boshqa jamoaga sotib yubordi.

Braziliyalik futbolchi endi rasman "Aston Villa" a’zosi hisoblanadi. Kataloniyaliklar Koutino transferidan 20 million evro ishlab oladi. U mavsumning ikkinchi qismini birmingemliklar tarkibida ijara asosida davom ettirayotgan edi.

Filippe bu vaqt oralig‘ida 16 uchrashuvda maydonga tushib, o‘z hisobiga 4 gol va 3 assistni yozdirib qo‘yishga muvaffaq bo‘ldi.

Ma’lumot uchun, "ko‘k-anorranglilar" 2018 yilning yanvarida uni "Liverpul"dan 135 million evroga sotib olgandi. Bu kataloniyaliklar tarixidagi eng qimmat xarid hisoblanadi.