Расман! "Барса" харид қилган энг қиммат футболчисини АПЛ клубига сотди (видео)

"Барселона" ўз ярим ҳимоячиси Филиппе Коутиньони бошқа жамоага сотиб юборди.

Бразилиялик футболчи энди расман "Астон Вилла" аъзоси ҳисобланади. Каталонияликлар Коутиньо трансферидан 20 миллион евро ишлаб олади. У мавсумнинг иккинчи қисмини бирмингемликлар таркибида ижара асосида давом эттираётган эди.

Филиппе бу вақт оралиғида 16 учрашувда майдонга тушиб, ўз ҳисобига 4 гол ва 3 ассистни ёздириб қўйишга муваффақ бўлди.

Маълумот учун, "кўк-анорранглилар" 2018 йилнинг январида уни "Ливерпуль"дан 135 миллион еврога сотиб олганди. Бу каталонияликлар тарихидаги энг қиммат харид ҳисобланади.