Расман!
Ads

"Эвертон" клуби "Барселона" хавбеки Андре Гомешнинг трансферини сотиб олди. Бу ҳақда клуб расмий сайти хабар тарқатмоқда.

Унга кўра 25 ёшли португалиялик футболчининг трансфери “ирисчилар”га бонуслар билан бирга 25 млн еврога тушган. Гомеш эса янги жамоаси билан 5 йиллик шартнома имзолаган.

Эслатиб ўтамиз, “Барселона” Гомешни 2016 йил ёзда 37 млн евро эвазига харид қилган эди. У ўтган давр мобайнида “кўк-анор ранглилар” таркибида жами 78та ўйинда майдонга тушди ва 3та гол уришга эришди.

Маълумот учун, Гомеш сўнгги мавсумни “Эвертон” сафида ижара асосида ўтказди ва 29та ўйинда 1та гол ҳамда 2та голли узатмага муаллифлик қилишга эришди.