Расман! Батшуайи "Галатасарой" футболчисига айланди

Расман Миши Батшуайи "Галатасарой"га кўчиб ўтди. Бу ҳақида клуб расмий саҳифаси орқали маълум қилмоқда. Истанбулликлар ҳужумчи билан 2027 йилгача амал қиладиган шартнома имзолади. 

30 ёшли бельгиялик 2022 йили Туркияга келган бўлса, дастлаб, "Бешиктош", кейин эса "Фенербахче"да тўп тепди. Энди у "Галатасарой" футболчисига айланмоқда. 

Эслатиб ўтамиз, Батшуайи эркин агент сифатида Истанбул клуби таркибига келиб қўшилди. Унинг айни пайтдаги трансфер нархи 9 миллион еврони ташкил қилади.