Расман! «Бунёдкор» - «Пахтакор» учрашуви "Миллий"дан "Пахтакор" стадионига кўчирилди

«Бунёдкор» Суперлига 2-тур доирасида «Пахтакор»га қарши майдонга тушади. "Қалдирғочлар" уй учрашувларини ўтказадиган «Миллий» стадионининг ҳолати ҳали ўйин ўтказиш учун яроқли бўлмагани сабабли «Тошкент дербиси» «Пахтакор» марказий стадионида ўтказилади. Бу ҳақда клуб матбуот хизмати хабар берди. 

Беллашувнинг номинал мезбони «Бунёдкор» бўлади. Ушбу баҳс 31 март куни бўлиб ўтади. Беллашув 17:00да бошланади.