Расман! Давид Луиз "Арсенал" футболчисига айланди

"Челси" клуби ҳимоячиси Давид Луиз Лондоннинг бошқа бир гранди - "Арсенал" сафига кўчиб ўтди. Бу ҳақда клуб расмий сайти хабар бермоқда.

Айтиш керакки, ҳозирча шартрнома шартлари ошкор этилмаяпти. Бироқ, “канонирлар” 32 ёшли бразилиялик футболчининг трансфери учун тахминан 10 млн евро сарфлагани айтилмоқда. Луизнинг ўзи эса янги жамоаси билан 2 йиллик шартнома имзолаган.

Маълумот учун, Давид Луиз “Челси” шарафини 2011-2014 ҳамда 2016-2019 йилларда ҳимоя қилган ва жами 248та ўйинда майдонга тушиб, 18та гол уришга эришган.