Расман! Де Брюйне "Манчестер Сити"ни ёзда тарк этади

Кевин Де Брюйне мавсум якунида "Манчестер Сити"ни тарк этишини эълон қилди. 

"Шаҳарликлар" Бельгия терма жамоасининг 33 ёшли ярим ҳимоячиси ёзда клубни эркин агент сифатида тарк этишини маълум қилди. 

Де Брюйне 2015 йилда "Вольфсбург"дан 74 миллион евро эвазига "Манчестер Сити"га ўтган ва ўша пайтда клубнинг энг қиммат трансферига айланганди. 

Манчестер клуби у билан 16 та совринни қўлга киритди. Шу жумладан, жамоа билан требл ютди ва 6 маротаба АПЛ чемпионлигини қўлга киритди.