Расман: Эрлинг Ҳолланд "Боруссия" футболчисига айланди

Дортмунднинг "Боруссия" клуби "Зальцбург" ҳижумчиси Эрлинг Ҳолландни ўз сафига қўшиб олди.

19 ёшли футболчи немислар билан 2024 йилнинг июнь ойигача битим имзолади.

Норвегиялик футболчи "Боруссия" сафига 3 январдан қўшилади ва кейинги кундан бошлаб, Испаниядаги йиғинда иштирок этади.

Эслатиб ўтамиз, Ҳолланд жорий мавсум чемпионлар лигасида 8 та гол урди ва тўпурарлар рўйхатида 10 та гол урган Левандовскидан кейин, иккинчи поғонани эгаллаб турипти.