Расман! Испания кубоги финали ҳам қолдирилди

Испания қироллик футбол федерацияси коронавирус сабаб мамлакат кубоги финалини қолдиришга қарор қилди.

Режага кўра, Испания кубоги финали 18 апрель куни бўлиб ўтиши керак эди. Бироқ, ушбу учрашув 30 май санасига қолдирилди. Финалнинг қолдирилишига асосий сабаб Испания футбол федерацияси ушбу муҳим беллашувни мухлисларсиз бўм-бўш стадионда ўтказишни хоҳламаган.

Эслатиб ўтамиз, ҳал учрашувда "Реал Сосьедад" ва "Атлетик" жамоалари ўзаро баҳс олиб боради.