Rasman! "Kalyari" Eldor Shomurodov bilan xayrlashdi

"Kalyari" Eldor Shomurodov bilan xayrlashdi. Bu haqida klub matbuot xizmati xabar berdi. 

29 yoshli hujumchi o‘tgan mavsumni Sardiniya jamoasida ijarada o‘tkazdi. U endi "Roma"ga qaytdi. Avvalroq "qizil-ko‘klar" o‘zbekistonlik futbolchini sotib olmoqchi ekanligi haqida xabarlar tarqalgan edi. 

Ma’lumot uchun, Eldor o‘tgan mavsumda A Seriyada 22 ta uchrashuvda ishtirok etib, raqiblar darvozasini uch marotaba ishg‘ol qildi va jamoadoshlariga uchta golli pas uzatdi. Shuningdek, hamyurtimiz Italiya kubogida ikkita bahsda qatnashdi.