Расман! Коларов "Интер" футболчисига айланди

"Рома" ҳимоячиси Александар Коларов энди "Интер" аъзосига айланди. Бу ҳақда клуб расмий сайти хабар тарқатмоқда.

34 ёшли сербиялик футболчининг трансфери “нерадзуррилар”га 1,5 миллион еврога тушган. Унинг ўзи эса, янги жамоаси билан “1+1” кўринишида шартнома имзолаган.

Коларов "Рома" сафида 2017 йилдан буён тўп суриб келаётган эди. У ўтган давр мобайнида римликлар сафида жами 132 та ўйинда майдонга тушиб, 19 та гол ҳамда 20 та голли узатмага муаллифлик қилди. У фаолияти давомида "Чукарички", ОФК, "Лацио" ва "Манчестер Сити" клубларида ҳам ўйнаган. Сербия терма жамоасида эса 90 та ўйин ўтказиб, ўз ҳисобига 11 та гол ёздириб қўйишга эришган.