Расман! Ла Лигада навбатдаги истеъфо юз берди

"Алавес" клуби ўзининг расмий сайтида жамоа бош мураббийи Абелардо Фернандес истеъфога чиқарилганини эълон қилди.

50 ёшли испаниялик мутахассис “Алавес”ни жорий йилнинг январь ойидан буён бошқариб келаётган эди. У ўтган давр мобайнида жамоа бошқарувида Ла Лигада 12 та ўйин ўтказди. "Алавес" ушбу ўйинларда бор йўғи 1 та ғалаба ва 2 та дуранг натижа қайд этиб, 5 очко жамғарди холос.

Шубҳасиз, “Сельта”га (1:3) қарши ўйинда қайд этилган мағлубият раҳбариятнинг тоқатини тоғ қилди. Боиси, ўша куни рақиб биринчи бўлимнинг дастлабки 20 дақиқасида 3 марта дарвозани ишғол қилди ва 54-дақиқадан бошлаб бири киши кам бўлиб ўйнади.

“Алавес” ҳозирча Испания чемпионати мусобақа жадвалида 23 очко билан сўнгги поғонани эгаллаб турибди. Уларни лигада олиб қоладиган 17-ўриндан 3 очко ажратиб турибди.

Матнда хатолик топсангиз, ўша хатони белгилаб, бизга жўнатинг (Ctrl + Enter)