Расман! Лукаку яна Миланда! (Фото)

"Челси"нинг собиқ футболчиси Ромелу Лукаку янги мавсумни "Интер" сафида бошлайди. Миланликлар бельгияликни бир мавсумга ижарага олди.

Ижара нархи 8 миллион еврони ташкил этади. Шунингдек, Ромелу Италиядаги 1 йиллик фаолияти учун 8 миллион евро маош ишлаб олади.

Маълум бўлишича, форвард 90-рақам остида тўп тепади. Айни пайт Лукакунинг жонажон 9-рақами Эдин Жекога тегишли саналади. 

Эслатиб ўтамиз, бельгиялик иқтидор соҳиби 2019-2021 йиллар оралиғида "Интер" шарафини ҳимоя қилган ва "Ювентус"нинг гегемонлигига чек қўйиб, А Серия чемпионлигини қўлга киритган.