Расман: "Манчестер Сити" "Боруссия" Дортмунд футболчисини харид қилди (фото)

Дортмунднинг “Боруссия” клуби ва Швейцария терма жамоаси ҳимоячиси Мануэль Аканжи “Манчестер Сити” билан шартнома имзолади. Томонлар 5 йиллик шартнома имзолади, деб хабар берди "шаҳарликлар" матбуот хизмати.

ОАВ маълумотларига кўра, Аканжининг трансфери "Ман Сити"га 18 миллион еврога тушган. Футболчининг маоши йилига 5,5 миллион еврони ташкил қилади.

27 ёшли футболчи 2018 йил бошидан буён "Боруссия"да ўйнаб келмоқда. Дортмундликлар таркибида у 158 та ўйин ўтказиб, 4 та гол урган. Аканжи Швейцария терма жамоаси сафида 41 учрашувда майдонга тушган.