Расман! “Манчестер Юнайтед” супер тўпурарга эга бўлди

“Манчестер Юнайтед” трансферлар бозорининг охирги кунида эркин агент сифатида жамоага келган Эдинсон Кавани билан шартнома имзолади.

ПСЖдан кетганидан кейин қатор клублар билан музокара ўтказиб, бирортаси билан келиша олмаган уругвайлик тўпурар ниҳоят манчестерликлар таклифини қабул қилди. Келишувга кўра, ҳамкорлик битими бир йилга тузилди. Клубда бу ҳамкорликни яна бир йилга узайтириш ҳуқуқи бор.

- “Манчестер Юнайтед” дунёдаги энг буюк клублардан бири. Бу ерда ўйнаш улкан шараф. Мен бўш вақтимда кўп шуғулландим ва расмий мусобақага интизорман ва футбол китобига кичкинагина тарихимни ёзишни давом эттирмоқчиман, - деди Эдинсон Кавани.