Расман! "Монако" ёзги трансферлардаги илк харидини амалга оширди

"Монако" клуби НЕК ҳужумчиси Антони Мусабуни ўз сафига қўшиб олди. Бу ҳақда клуб расмий сайти хабар тарқатмоқда.

Унга кўра, монаколиклар 19 ёшли футболчи учун голланд клубига 2,5 млн евро тўлаган. Аммо, футболчи билан имзоланган келишув ҳақида маълум қилинмаяпти.

Антони Мусабу НЕК тарбияланувчиси ҳисобланади. У бу клубда жами 31 та ўйинда майдонга тушган ва 9 та гол ҳамда 5 та голли узатмага муаллифлик қилган.