Расман! "Насаф" 2024/2025 йилги Ўзбекистон Суперкубоги ғолиби!
Ўзбекистон Суперкубогининг финал учрашувида "Насаф" "Андижон" билан куч синашиб, Ҳусайн Норчаевнинг голи эвазига ғалаба қозонди.
Учрашувнинг биринчи бўлимида икки жамоада ҳам голли вазиятлар бўлган бўлса-да, фойдалана олишмади. Шу билан бирга, биринчи бўлимга 4 дақиқа қўшиб берилди. Иккинчи бўлим ҳам кутилганидек, қизиқарли ва хавфли ҳужумларга бой бошланди. 72-дақиқада эса захирадан майдонга тушган Шерзод Насруллаевга нисбатан Усмонали Исмоналиев томонидан қоида бузилди. 11 метрлик жарима зарбасидан эса Ҳусайн Норчаев унумли фойдаланиб ҳисобни очишга муваффақ бўлди. Ушбу гол финал учрашув тақдирини ҳал қилди.
Голдан сўнг "бургутлар" ҳам янада жойланиб, хавфли ҳужумлар уюштиришган бўлса-да, голга айлантира олишмади.
Ушбу ғалаба орқали "Насаф" 2024/2025 йилги Ўзбекистон Суперкубоги ғолибига айланди!
- Ўзбекистон - Суперкубок
- Final
Насаф
- Khuisain Norchaev 72'
27.05.2025 19:30
Фикрлар