Расман! "Реал" футболчиси "Милан"га кўчиб ўтди

Мадриднинг “Реал” клуби чап қанот ҳимоячиси Тео Эрнандес фаолиятини Италияда давом эттирадиган бўлди.

А Серия расмий сайти тарқатган хабарга кўра 21 ёшли футболчини “Милан” кейинчалик 20 млн евро эвазига сотиб олиш шарти билан ижарага олган.

Маълумот учун, Тео ўтган мавсумни “Реал Сосьедад” сафида ижарада ўтказди ва Ла Лиганинг 24та баҳсида майдонга тушиб, 1та гол ҳамда 2та голли узатмага муаллифлик қилишга эришди.

Эслатиб ўтамиз, “Реал” Тео Эрнандесни 2017 йил ҳамшаҳари “Атлетико”дан 26 млн еврога сотиб олган эди.