Расман! "Севилья" аламли мағлубиятдан сўнг Алонсони истеъфога чиқарди

"Севилья" клуби жамоа бош мураббийи Диего Алонсони истеъфога чиқарди. Бу ҳақда клуб расмий саҳифалари орқали маълум қилди. 

Мутахассис клубда атиги 67 кун иш олиб борди. Ушбу муддат давомида "Севилья" 13 ўйиндан атиги иккитасидагина ғалаба қозонишни эплади. Мураббий бошчилигида андалусияликлар кеча "Хетафе"га йирик 0:3 ҳисобида имкониятни бой бериб қўйди. Шунингдек, жамоа Европа чемпионлар лигасида ҳам муваффақиятсизликка учраб, ҳатто Европа лигасидан ҳам қуруқ қолди. 

Янги бош мураббий номи сешанба кунига қадар эълон қилиниши кутилмоқда. Шу куни Андалусия клуби "Гранада"га қарши саф тортади.