Расман. Уэсли - "Рома" футболчисига айланди

Италиянинг "Рома" клуби бразилиялик ҳимоячи Уэслини ўз сафига қўшиб олди. Бу ҳақда жамоа расмий сайти орқали маълум қилди.

Футболчи Бразилиянинг "Фламенго" жамоасидан кўчиб ўтди. Журналист Жанлука Ди Марционинг маълумотига кўра, трансфер учун римликлар 25 миллион евро тўлади. Яна 5 миллион евро эса бонус сифатида келишилган.

21 ёшли ҳимоячи Италия А Сериясида 43-рақам остида тўп суради. У "Фламенго" сафида 2021 йилдан буён ҳаракат қилиб, 136 учрашувда майдонга тушган, 4 та гол ва 6 та ассистга муаллифлик қилган.

Маълумот ўрнида, Transfermarkt сайти Уэслининг бозор қийматини 20 миллион евро деб баҳолаган.