Расман! Ярим мавсум "Қайрат" сафида ҳаракат қилган Жасур Жалолиддинов Ўзбекистон Суперлигасига қайтди

Қишки трансфер ойнасида Қозоғистоннинг "Қайрат" клубига ижара асосида кўчиб ўтган Жасур Жалолиддинов фаолиятини яна Ўзбекистон Суперлигасида давом эттиради.

"Локомотив" Жасурнинг қайтганини эълон қилди ва ушбу видеони ўз саҳифасига юклади. 20 ёшли плеймейкернинг "темирйўлчилар" билан амалдаги шартномаси 2023 йилда ниҳоясига етади.

У жамоага "Андижон"дан келиб қўшилган ва тошкентликлар либосида 11 ўйинда майдонга тушиб, ўз ҳисобига 1 та гол ёздириб қўйишга муваффақ бўлган.