Raul ham "Real"ni tark etishi mumkin

"Real"ning sobiq hujumchisi, hozirda "qaymoqranglilar" yoshlar jamoasida murabbiy sifatida ishlayotgan Raul Gonsales “qirollik klubi”ni tark etishga yaqin turibdi, deb xabar bermoqda Marca.

Manbaga ko‘ra, "Xetafe" mutaxassis xizmatiga qiziqish bildirmoqda. Klub yaqin kunlarda jamoani tark etishi mumkin bo‘lgan Xose Bordalasning o‘rniga aynan Raulni taklif etish variantini ko‘rib chiqmoqda.

"Xetafe" Ispaniya chempionatining yakunlangan mavsumida 15-o‘rinni egalladi. Bordalas esa joriy yilning aprel oyidan beri jamoa bosh murabbiyi lavozimida ishlab kelayotgandi. Tomonlar o‘rtasidagi shartnoma shu oy oxirida tugaydi.