Рауль
Ads

“Реал” Мадриднинг қуйи дивизионда иштирок этувчи жамоаси – “Кастилья”га жамоанинг собиқ юлдузи Рауль Гонсалес бош мураббий этиб тайинланади. Бу ҳақда AS нашри хабар бермоқда.

Таъкидлаш керакки, “Кастилья” жорий мавсумда мавқейи жиҳатидан 3-ўринда турувчи Сегунда Б да иштирок этди. Улар мавсумни 4-ўринда якунлашди ва асосий Сегундага қайтиш учун плей-оффда иштирок этиш ҳуқуқини қўлга киритишди.

“Реал” раҳбариятининг бундан кўзлаган мақсади худди Зинедин Зидан ва Саньтяго Соларида бўлганидек Раулни ҳам келажакда асосий жамоа бошқарувига тайёрлаш ҳисобланади.