Раулнинг бозори чаққон

Англия чемпионатида ўзини кўрсатаётган “Вулверхэмптон” ҳужумчиси Рауль Хименес ниҳоят гранд клубларда тўп суриш имкониятига эга бўлмоқда.

29 ёшли мексикалик ҳужумчини “Манчестер Юнайтед” ва “Ювентус” ўз сафида кўришни истамоқда. Ҳар икки клуб “Вулверхэмптон” вакиллари билан боғланиб, уларнинг трансферлар давридаги режасини сўраган.

Ўз навбатида, “бўрилар” моҳир ҳужумчи учун 34 миллион фунт-стерлинг тўлайдиган жамоа бўлса, унинг кетишига монеълик қилмаслигини билдирган. Қизиғи, “Вулверхэмптон” бундан икки йил муқаддам Рауль Хименесни таркибига қўшиб олиш учун “Бенфика”га шунча пул тўлаган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)