Равшан Эрматов нега «Пахтакор» - «Навбаҳор» баҳсини бошқармаслигини айтди

Аввал хабар берганимиздек айни дамда Ўзбекистон футбол ассоциациясида Суперлига ҳакамлари ва ОАВ ходимлари иштирокида очиқ мулоқот бўлиб ўтмоқда. 

Унда Coca Cola Суперлиганинг ўтган 8-туридан ўрин олган учрашувларда ҳакамлар томонидан қабул қилинган ва футбол мухлислари ҳамда мутахассислар ўртасида қизғин муҳокамаларга сабаб бўлган баъзи қарорларга изоҳ берилди.

Учрашув давомида мамлакатимиз футболининг фахри, дунёнинг энг яхши ҳакамларидан бири ҳисобланган Равшан Эрматовга "Нега "Пахтакор" ва "Навбаҳор" ўртасидаги ўйинни бошқармайсиз?" деган савол билан мурожаат қилинди. У эса бунга қуйидагича жавоб қайтарди.

"Пахтакор" Тошкент жамоаси ва баҳс ҳам ушбу ҳудудда бўлмоқда. Шу боис имкон қадар бундай ўйинларга бошқа ҳудуддан бўлган ҳакамни тайинлашга ҳаракат қилинмоқда.

Қолаверса, мен бошқа кўплаб дербиларни, кучли қарама-қаршиликларни бошқариб бормоқдаман ва ҳа деб бундай баҳсларни бир инсон бошқариши ҳам менимча жоиз эмас.

Шунингдек, мен раҳбарият тайинлаган баҳсларда ишлайман. Аслини олганда менинг ўзимга ҳам шундай босим юқори бўлган учрашувларда ишлаб, ўзимни кўрсатиш ёқади", - дейди Эрматов.

Фикрлар

Фикр қолдириш учун авторизациядан ўтинг!
&
ахмад49
16/05/2019 22:16
Хаммага маълум Равшан Эрматов халол хакам,УФА ва Пахтакорга халол хакамлар ёкмайди,уларга Шерзод Косимов Азиз Асимовга ухшаган пахтакорчи хакамлар керак.
&
ахмад49
16/05/2019 22:16
Хаммага маълум Равшан Эрматов халол хакам,УФА ва Пахтакорга халол хакамлар ёкмайди,уларга Шерзод Косимов Азиз Асимовга ухшаган пахтакорчи хакамлар керак.